關於我

認識我嘅人都知係一位芳療C，喜歡大自然，相信大自然會帶有能量，除咗精油要用天然種植植物蒸餾而成，養生嘅食物都會選擇天然採收。

雲南高原居住咗好多小數民族，機緣巧合下認識到其中一個小數民族，佢哋生長於海拔1600米以上，係中國古老民族之一。

地理環境因素下擁有很多野生植物，沒有被繁華嘅城市污染，族人生活簡樸，穿著自己種棉，用簡單的紡車紡紗，再用織布機織布，布織成後染上不同顏色嘅布做成嘅民族衣服。

佢哋係傳統種植，周圍又有深山，所以出自當地嘅茶葉、玫瑰、石斛花、菊花、黑蜂蜜、菌類⋯⋯等，味道及品質都十分有驚喜。

經過幾個月嘅交流，看到於樹上嘅蜂巢，而佢哋採收蜂蜜唔會著保護衣。

看到於深山樹下嘅菌類，收到後品嘗味道十分鮮甜，感受到森林原始嘅味道。

看到佢哋製作茶葉，正宗傳統柴火鐵鍋炒製而成，就係想當年我歷史科書本內的畫面。

而收到嘅玫瑰花未冲泡已經聞到香濃而不俗嘅花香，真係未飲已經心曠神怡。

仲有唔同品種嘅石斛花，真係令我長知識

而從朋友send俾我嘅相片，絕對感受到該地係人間嘅世外桃源，而該族人特別擅於種茶、喜愛飲茶嘅民族，google 一下發現該族係聞名遐邇的普洱茶文化發祥地之一。

因為疫情關係冇得去當地，幸好有朋友長居雲南，可以幫手寄一些當地出產無污染嘅食物，大家可以用優惠嘅價錢享用到優質嘅食物，而當地嘅族人又可以改善生活吖。